Seminarda açılış nitqi ilə çıxış edən ÜST-nin Azərbaycandakı Ofisinin rəhbəri Hande Harmancı qeyd edib ki, İSAH-nin epidemioloji müşahidəsi immunizasiya proqramının mühüm istiqamətlərindən biridir: “Əminəm ki, seminar müddətində əldə edilən məlumatların köməyi ilə tərəfdaşlarımız Azərbaycanda İSAH üzrə güclü epidemioloji nəzarət sistemi yarada biləcəklər”.

 

Qeyd edək ki, immunizasiya proqramları, dərman vasitələri üzrə milli tənzimləyici orqanlar, ilkin tibbi yardım və xəstəxana xidmətlərinin təminatçıları, İSAH-nin səbəbləri və təsnifatının icmalı ilə məşğul olan milli ekspertlər, həmçinin tibb təhsili proqramları üzrə mütəxəssislər də daxil olmaqla 40-a yaxın iştirakçıya tədbir müddətində ÜST-nin Avropa üzrə Regional Ofisi tərəfindən təlim keçirilməsi davam edəcək.