Mərkəzi Gömrük Hospitalının Nefrologiya və efferent terapiya şöbəsində yüksəkixtisaslı mütəxəssislər tərəfindən kəskin və xroniki böyrək xəstəliklərinin müalicəsi aparılır.

Hospitaldan Aztibb.az-a verilən məlumata görə, şöbədə nefrologiya və efferent terapiya xidmətinə ehtiyacı olan pasiyentlər üçün təcili və planlı şəkildə hospitalizasiya və gündüz stasionar xidmətləri həyata keçirilir.

Mərkəzi Gömrük Hospitalının Nefrologiya və Efferent Terapiya şöbəsinin fəaliyyəti ilə bağlı tanıtım çarxını Sizə təqdim edirik.  https://youtu.be/KZfOvgwONEo 

Poliklinika xidmətləri sırasında bütün növ ambulator xəstələrin müayinə və müalicəsi, o cümlədən Renal transplant olunmuş xəstələrə nəzarət aparılır.

Stasionar xidmətlərinə nefrologiyaya aid olan bütün növ stasionar xidmətlər, hemodializ və periton dializli xəstələrdə yaranan ağırlaşmaların aradan qaldılırlması, böyrək biopsiyası, glomerul xəstəliklərdə immunosupresion verilməsi və digər xidmətlər  həyata keçirilir.

Hemodializ xidmətlərinə kəskin böyrək zədələnmələri və xroniki böyrək çatışmazlığı son mərhələsi zamanı, göstərişə uyğun olaraq, hemodializ seanslarının həyata keçirilməsi, qısa və uzunmüddətli hemodializ kataterlərinin qoyulması, uzunmüddətli hemodializ kateterlərinin yaratdığı stenozun aradan qaldılırlması, Hemodializ xəstələrində digər ağırlaşmaların aradan qaldırılması daxildir.

Reanimasiya və intensiv terapiyaya aralıqılı hemodializ, sutkalıq hemodializ, periton dializi, hemosorbsiya, hemodiafiltrasiya, plazmafarez, eyni zamanda kəskin böyrək zədələnməsi olan xəstələrin müalicəsi aiddir.