ÜST-nin Səhiyyədə Fövqəladə Hallar üzrə Cənubi Qafqaz Mərkəzinin laboratoriya mütəxəssisi ilə birgə Lənkəran şəhərində fəaliyyət göstərən klinik və ictimai səhiyyə laboratoriyalarının heyəti üçün biotəhlükəsizlik üzrə növbəti seminar təşkil edilib.

 

Bu barədə Aztibb.az-a ÜST-nin Azərbaycan Nümayəndəliyindən bildirilib.

 

Seminar biorisklərin qiymətləndirilməsi və azaldılması tədbirləri, biotəhlükəsizlik standartı əməliyyat prosedurlarının işlənib hazırlanması və istifadəyə verilməsi, biotəhlükəsizlik üzrə kabinetlərin saxlanması, müxtəlif biotəhlükəsizlik səviyyələrinə aid laboratoriya qurğuları üçün tərtibat, təhlükəsizliklə bağlı təcrübə, biotəhlükəsizliyi idarəetmə proqramları, yoluxucu/təhlükəli maddələrin təhlükəsiz idarə olunması və daşınması kimi sözügedən sahənin müxtəlif aspektlərini əhatə edib.

 

Bununla yanaşı, seminar iştirakçılarına beynəlxalq standartlara uyğun təhlükəsizlik yoxlamaları və auditlərin aparılması barədə təlim keçirilib.