1992-ci ildən etibarən hər il oktyabrın 10-u Ümumdünya Psixi Sağlamlıq Günü kimi qeyd edilir.
Mingəçevir Şəhər Mərkəzi Xəstəxanasının Poliklinika şöbəsinin həkim-psixiatrı Leyla Mustafayeva Aztibb.az-a bildirib ki, psixi sağlamlıq insanın psixi durumu, onun davranışlarının tənzimlənməsi, eyni zamanda sosial və bioloji amillərin təsiri ilə xarakterinin düzgün formalaşması xarakterizə olunur.
Həkim qeyd edib ki, psixi sağlamlıq fiziki sağlamlıq kimi bir çox faktorun təsiri ilə pozula bilər. Psixi sağlamlıq insanın özünə və ətrafindakı insanlara olan munasibətdə, ümumilikdə bütün həyatı boyu muxtəlif hadisələrə, sosial və iqtisadi çətinliklərə qarşı münasibətdə özünu biruzə verir.
Onun sözlərinə görə, psixi sağlamlığa təsir edən amillər anadangəlmə, genetik amillər, qazanılmış həyat təcrübəsi, emosional zərərlər, maddələrdən sui-istifadə və s.-dir.
L.Mustafayeva bildirib ki, fiziki sağlamlığın pozulduğu müşahidə etmək asan olduğu halda, psixi sağlamlıq normaları haqqında məlumat az olduğuna görə xəstəliyin fərqində olmaq çox vaxt ala bilər: "Günümüzdə həyat çətinlikləri nəzərə alınarsa fiziki sağlamlıq qədər psixi sağlamlığın da sürətlə pozulduğu görülməkdədir. Psixi sağlamlıq həm insanın firavanlığının, həm də cəmiyyətin effektiv fəaliyyətinin əsasıdır. Psixi sağlamlıq həm insanın firavanlığının, həm də cəmiyyətin effektiv fəaliyyətinin əsasıdır".