Dövlət Gömrük Komitəsinin Tibbi Xidmət İdarəsinin Elmi-Təcrübi Tədris Mərkəzinin mütəxəssisi Şəhla Mirzəzadə Azərbaycan Respublikası Dövlət Gömrük Komitəsi və Gömrük Akademiyası tərəfindən Qırğız Respublikası Maliyyə Nazirliyi yanında Dövlət Gömrük Xidmətinin əməkdaşları üçün hər iki ölkənin gömrük xidmətləri arasında imzalanmış “Kadrların peşəkar hazırlığı və ixtisasının artırılması sahəsində əməkdaşlıq haqqında” protokola əsasən təşkil olunan və rəhbər heyət üçün nəzərdə tutulan təlimlərdə təlimçi qismində çıxış edib.

 

Mərkəzi Gömrük Hospitalından Aztibb.az-a bildirilib ki, “Liderlik və şəxsi heyətlə iş” və “Ünsiyyət və davranış bacarıqları” mövzularında həyata keçirilən təlimlər zamanı Ş.Mirzəzadə idarəetmənin əsasları, lider və menecer arasında oxşar və fərqli xüsusiyyətlər, liderlik və idarəetmədə ünsiyyətin rolu, münaqişələrin həlli, stresin idarəedilməsi və komanda quruculuğu barədə detallı məumat verib.