Aztibb.az-a Xəstəxanadan verilən məlumata görə, tədbirdə Abşeron RMX-nın nəzdindəki ailə sağlamlıq mərkəzlərində fəaliyyət göstərən bölmə müdirləri, pediatrlar, tibb bacıları və mamalar iştirak ediblər.

 

"Patronaj xidmətinin universal və proqressiv modelinin tətbiqi, hesabatlılığının aparılması, qiymətləndirmə alətlərinin tətbiqi qaydaları" mövzusunda baş tutan təlimdə çıxış edən Abşeron RMX-nın İlkin səhiyyə xidməti üzrə şöbənin müdiri Faris Musayev yeni patronaj xidməti modelində tibb bacılarının təkmilləşmiş rolunun əhəmiyyəti barədə danışıb.

 

Daha sonra Xırdalan ASM-nin bölmə müdiri Samirə Muxtarova və Mehdiabad ASM-nin bölmə müdiri Qənitə İsmayılova yeni qiymətləndirmə alətlərinin tətbiqi ilə məlumatların toplanma və hesabatlılığı haqqında çıxış ediblər.

 

Sonda təlimdə inkişafın dəstəklənməsi və izlənməsi üzrə beynəlxalq rəhbərlik üzrə qeydiyyat aparılması qaydaları müzakirə olunub.

 

Qeyd edək ki, təlimlərin aparılmasının silsilə şəklində davam etdirilməsi nəzərdə tutulub.