Azərbaycan Tibb Universitetinin (ATU) Tədris Cərrahiyyə Klinikasında tələbə-rezidentlər üçün növbəti ənənəvi seminar təşkil olunub.
ATU-dan Aztibb.az-a verilən xəbərə görə, seminarı Rezidentura və magistratura şöbəsinin müdir müavini, Uşaq cərrahlığı kafedrasının assistenti Namiq Xəlilov açaraq mövzunun aktuallığını vurğulayıb.
Daha sonra Urologiya kafedrasının müdiri, professor Rauf Nağıyev “Böyrək və sidik kisəsi törəmələri” mövzusunda məruzə ilə çıxış edəcək.
Professor R.Nağıyev törəmələrin epidemiologiyası, etiologiyası, patologiyası, müayinəsi, müalicə yolları və s. ilə bağlı seminar iştirakçılarına ətraflı məlumat verib. Eləcə də öz təcrübəsini rezidentlərlə bölüşüb.
Seminar işgüzar şəraitdə başa çatıb və verilən suallar professor tərəfindən əhatəli şəkildə cavablandırılıb.