Sentyabrın 27-də Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutunda 27 Sentyabr - Anım Gününə həsr olunmuş tədbir keçirilib.

İnstitutdan Aztibb.az-a bildirilib ki, ilk öncə Vətən uğrunda canlarını fəda etmiş igid oğulların xatirəsi bir dəqiqəlik sükutla yad edilib.

Tədbirdə institutun direktoru, prof. Adil Allahverdiyev çıxış edərək bildirib ki, 3 il öncə başlayan II Qarabağ müharibəsi – Azərbaycan, o cümlədən dünya tarixinə qızıl rəqəmlərlə yazılmış şanlı zəfərimizin tarixidir.

Direktor çıxışında 44 gün davam edən Vətən müharibəsinin Ali Baş Komandan İlham Əliyevin rəhbərliyi, xalq-ordu birliyinin möhtəşəm Qələbə ilə başa çatmasının hər bir Azərbaycan vətəndaşının qəlbində böyük qürur və iftixar hissi yaratdığını vurğulayıb.

Adil Allahverdiyev torpaqlarımızın düşmən təcavüzündən azad edilməsində misilsiz qəhrəmanlıq göstərən Vətən müharibəsi şəhidi və qazilərinin göstərdikləri şücaət və fədakarlıqdan söhbət açıb, şəhidlərin əziz xatirəsini yad edib.