“Həkimlərimizi tanıyaq!” rubrikamızda bütün pasiyentlərinə qayğı və həssaslıqla yanaşan Xətai Tibb Mərkəzinin mama-ginekoloqu Yaqut Qasımovanı Sizlərə təqdim edirik.

 

O, 1970-ci ildə Hacıqabul rayonunda anadan olub. 1987-1994-cü illərdə Azərbaycan Tibb Universitetinin 1-ci Müalicə-profilaktika fakültəsində təhsil alıb. 7 saylı Doğum evində mama-ginekoloq ixtisası üzrə internatura keçib.

 

Yaqut Qasımova 10 il Hacıqabul Rayon Mərkəzi Xəstəxanasında mama-ginekoloq kimi fəaliyyət göstərib. 2022-ci ilə qədər Xətai rayon 10 saylı qadın məsləhətxanasında işləyib. 25 illik iş təcrübəsi olan Yaqut Qasımova hazırda M.Ə.Əfəndiyev adına Xətai Tibb Mərkəzinin Doğum və Ginekologiya şöbəsinin mama-ginekoloqudur.