O, 1984-cü ildə anadan olub. 2006-cı ildə Azərbaycan Tibb Universitetinin Müalicə işi fakültəsini bitirib. 2006-2007-ci illərdə Respublika Neyrocərrahiyyə Xəstəxanasında neyrocərrahiyyə ixtisası üzrə internatura keçib.

 

Bəhruz Eyvazov 2007-2008-ci illərdə Sumqayıt şəhər TTYX-da, 2010-2011-ci illərdə İnternational Medical Center-də, 2012-2018-ci illərdə Mərkəzi Dənizçilər Xəstəxanasında, 2017-2019-cu illərdə İstanbul NS klinikasında, 2019-cu ildən Bakı Bərpa mərkəzində, 2022-ci ildən isə Kəpəz Hospitalda həkim-neyrocərrah vəzifəsində çalışıb. O, 2007-ci ildən Respublika Neyrocərrahiyyə Xəstəxanasında Neyrotravma, uşaq neyrocərrahiyyə şöbəsində həkim-neyrocərrah kimi fəaliyyət göstərib. 2023-cü ilin yanvar ayından Respublika Neyrocərrahiyyə Xəstəxanasının Baş-beyin şöbəsində həkim-neyrocərrah olaraq çalışır.

 

Həkim 2009-2023-cü illər ərzində mütəmadi olaraq Azərbaycan Dövlət Həkimləri Təkmilləşdirmə İnstitutunda neyrocərrahiyyə üzrə kurslar keçib və müvafiq qaydada sertifikasiya imtahanlarında uğurla iştirak edib.

 

O, onurğa sütunu xəstəlikləri, fəqərəarası disk yırtıqları, degenerativ xəstəliklər, fəqərələrin patoloji sınıqları, baş-beyin şişləri, hipofiz adenomalarının endoskopik cərrahiyyəsi, onurğa beyin şişləri, uşaq neyrocərrahiyyəsi, anadangəlmə baş və onurğa beyin yırtıqları, hidrosefaliya, baş və onurğa sütununun travmaları, epidural, subdural hematomalar, fəqərə sınıqları, mərkəzi və periferik sinir sistemi xəstəliklərinin müalicəsi ilə məşğuldur.