Səhiyyə Nazirliyi 2 nömrəli Bakı Baza Tibb Kollecində 25 sentyabr- Beynəlxalq Əczaçılar Gününə həsr olunmuş tədbir keçirilib.

 

Aztibb.az-a Nazirlikdən verilən xəbərə görə, tdbirdə kollecin müəllim və tələbə heyəti, bir sıra tibb sahəsində fəaliyyət göstərən şirkətlərin nümayəndələri iştirak ediblər.

 

İlk olaraq 44 günlük Vətən müharibəsində şəhid olanların xatirəsi bir dəqiqəlik sükutla yad edilib.

 

Sonra kollecin direktoru Dilarə Məmmədəliyeva giriş sözü ilə çıxış edərək gələcəyin əczaçılarını təbrik edib.

 

Tədbirdə “Müasir əczaçılıq”, “Əczaçılıqda müasir texnologiyalar və bioloji qida əlavələrinin istehsalı” mövzusunda çıxışlar olub. Əczaçılığın yaranma tarixi, inkişafı, əhəmiyyəti və tədrisi haqqında müxtəlif slaydların nümayişi ilə davam edən tədbir tələbələrin iştirakı ilə hazırlanmış bədii hissə ilə yekunlaşıb.