Bakı Sağlamlıq Mərkəzində Türkiyədən dəvət olunmuş professorların iştirakı ilə seminar keçirilib.

 

Mərkəzdən Aztibb.az-a verilən məlumata görə, tədbirdə prof. Şakir Özgür Keşkek arterial hipertenziyaya dair çıxış edib. Daha sonra prof. Meral Mert seminar iştirakçılarına tibbdə steroid istifadəsi və şəkərli diabet xəstələrində əməliyyata hazırlıqla bağlı məlumat verib.

 

Tədbirdə həkim və rezidentlər arasında müasir tibbdə bu xəstəliklərin müalicə üsullarına dair müzakirələr aparılıb və çoxsaylı suallar cavablandırılıb.

 

Seminarda Bakı Sağlamlıq Mərkəzinin həkim rezidentləri ilə yanaşı, digər mərkəzlərin həkim rezidentləri də iştirak ediblər.