ATU üzrə 2023-2024 tədris ilində 65 nəfər planlı qəbul yeri üzrə DİM yolu ilə 64 nəfər magistraturaya qəbul olunub. Onlardan 15 nəfər Klinik psixoloqiya, 15 nəfər Menecment (səhiyyə sahəsi üzrə), 4 nəfər Əczaçılıq texnologiyası, 5 nəfər Əczaçılığın təşkili, 5 nəfər Toksikoloji kimya, 5 nəfər Farmakoqnoziya, 5 nəfər Əczaçılıq kimyası, 5 nəfər Mikrobiologiya, 5 nəfər Biokimya ixtisası üzrə magistrant adını qazanıblar. 

Aztibb.az-a ATU-dan verilən xəbərə görə, ATU-ya qəbul olunanlardan ən yüksək balı Jalə Məhcanova toplayıb. O, 90.5 balla Mikrobiologiya ixtisasına qəbul olub.

ATU-da magistrantlarla baza kafedrada görüş keçirilib. Kafedra müdirləri və əməkdaşlar magistrantlara universitet və magistratura təhsili barədə ətraflı məlumat verib, onları kafedra ilə tanış ediblər.