İngiltərə və Belçika alimlərinin apardığı yeni araşdırma, Alzheimer xəstələrinin beyin hüceyrələrinin ölüm səbəblərinə aydınlıq gətirib.

Aztibb.az-ın medimagazin.com.tr-yə istinadla məlumatına görə, İngiltərə və Belçika alimlərinin apardığı yeni araşdırma, Alzheimer xəstələrinin beyin hüceyrələrinin ölüm səbəblərinə aydınlıq gətirib.

Yaddaş itkisi kimi Alzheimer xəstəliyinin əsas əlamətləri neyron adlanan sinir hüceyrələrinin itirilməsi nəticəsində yaranır.

Alimlərin fikrincə, Alzheimer xəstələrinin beyinlərindəki neyronlar arasında anormal miqdarda amiloid lövhələri və tau dolaşıqları əmələ gəlir. Bu, beyin ödeminə səbəb olur. Ödem neyronlardakı kimyəvi tarazlığı pozur.

Lövhələrin və dolaşıqların meydana gəlməsi ilə beyin hüceyrələri MEG3 adlı xüsusi bir molekul istehsal edir. MEG3 molekulu nekroptozu, yəni hüceyrə intiharını tətiklədiyi üçün bu prosesdə əsas rol oynayır.

Tədqiqatçılar müəyyən ediblər ki, MEG3 sıxışdırıldıqda və ya onun siqnalları bloklandıqda hüceyrələrin intiharı dayandırılır.

Böyük Britaniya Demans Araşdırma İnstitutunun professoru bunu çox vacib kəşf hesab edib: "İlk dəfə olaraq, neyronların Alzheimer xəstəliyi səbəbiylə necə və niyə öldüyünə dair bir ipucu əldə etdik. Son 30-40 ildə bu mövzuda çoxlu fərziyyələr var idi, lakin heç kim bunun necə olduğunu dəqiq deyə bilməyib. Bu, xüsusi intihar yolunun problem olduğuna dair güclü sübutlar təqdim edir."