Səhiyyə Nazirliyinin, Orqan Donorluğu və Transplantasiyası üzrə Koordinasiya Mərkəzinin rəhbərliyi, Azərbaycan Tibb Universittetinin nümayəndələri və həkimlər Gürcüstanın Tbilisi şəhərində keçirilən "Böyrək və bərk orqan transplantasiyasının inkişaf strategiyası" adlı beynəlxalq konfransda iştirak ediblər.

Aztibb.az-a Səhiyyə Nazirliyindən bildirilib ki, tədbirdə "Azərbaycan Respublikasında orqan donorluğunun və transplantasiyasının idarə edilməsində mərkəzləşdirilmiş koordinasiya sisteminin əhəmiyyəti" mövzusunda təqdimat edilib.

Bundan başqa, Azərbaycan nümayəndə heyəti tədbirdə transplantasiyanın dünyadakı və ölkəmizdəki tarixi, qanunvericilik aktları, illər üzrə aparılan əməliyyatların statistikası, hazırda transplantasiyanın həyata keçirildiyi tibb müəssisələri, gözün buynuz qişasının və sümük iliyinin transplantasiyası sahəsində görülmüş işlər barədə çıxış edilərb. Həmçinin iştirakçılara Koordinasiya Mərkəzinin funksiyaları, məqsədləri, vəzifələri, donorlar, resipiyentlər və donor orqanların vahid dövlət informasiya bazasının formalaşdırılması, Orqan Donorluğu və Transplantasiyası üzrə Etika Komissiyası barədə məlumatlar verilib.