Səhiyyə Nazirliyi Elmi-Tədqiqat Kardiologiya İnstitutunda (ETKİ) “Şəkərli diabetlə yaranan risklər” adlı seminar keçirilib.

 

İnstitutdan Aztibb.az-a bildirilib ki, “Sağlamlığın Qorunması” İctimai Birliyi tərəfindən keçirilən tədbir zamanı şəkərli diabet haqqında təqdimatlar nümayiş olunub.

 

ETKİ-nin direktoru, professor Gülnaz Dadaşova bildirib ki, şəkərli diabet və ürək-damar xəstəlikləri bütün dünya ölkələrində mühüm tibbi və sosial sağlamlıq problemlərindən biri olaraq qalır. O, institutda bu sahədə genişmiqyaslı maarifləndirmə işlərinin aparıldığını diqqətə çatdırıb.

 

Seminarda “Sağlamlığın Qorunması” İB-nin sədri, t.ü.f.d. Yazgül Abdiyeva, Endokrinologiya, Diabetologiya və Terapevtik Təlimat Assosiasiyasının sədri, t.e.d. Müşfiq Həsənov, Bariatik və Metobolik Cərrahlar İB-nin sədri, t.ü.f.d. Taryel Ömərov, ETKİ-nin həkim-kardioloqu Fəridə Yaqubova və böyük elmi işçisi Mahir Bağırov qeyd olunan xəstəliklə mübarizə aparmağın yolları və onun zərərləri haqqında ətraflı məlumat veriblər.

 

Tədbir zamanı ETKİ tərəfindən hazırlanan “Enerji içkilərinin sağlamlığımıza mənfi təsiri” və ictimai birlik tərəfindən hazırlanan “Şəkərli diabetdən qorxma, ona yanlış yanaşmadan qorx” adlı videoçarxlar nümayiş olunub.