I Qarabağ müharibəsi veteranı Mehman Əliyev Xətai Tibb Mərkəzində aldığı effektli və düzgün müalicələrdən sonra sağlamlığına qovuşub.

 

Mərkəzdən Aztibb.az-a bildirilib ki, Mehman Əliyev belində və ayaqlarında kəskin ağrılarla tibb müəssisəsinə gəlib. Pasiyent Nevrologiya şöbəsinin müdiri Afaq Əliyevanın təyinatı ilə aldığı müalicədən razı qalıb: "Müalicəm başa çatıb, heç bir ağrım yoxdur, özümü çox yaxşı hiss edirəm. Müalicə həkimim Afaq xanıma, mərkəzin rəhbərliyinə və əlbəttə ki, yaratdığı şəraitə görə TƏBİB-ə təşəkkür edirəm".

 

Mehman Əliyev müharibə veteranları və qazilərin müalicəsində göstərdiyi xidmətə görə təmsil etdiyi Qarabağ Əlillərinə Qayğı İctimai Birliyinin təşəkkürnaməsini həkimi Afaq Əliyevaya təqdim edib.