Elm və Təhsil Nazirliyinin Dendrologiya İnstitutunun baş direktoru v.i.e., biologiya üzrə fəlsəfə doktoru Minarə Həsənova Rusiya Elmlər Akademiyası V.L.Komarov adına Botanika İnstitutunda keçirilən MDB ölkələrinin Nəbatat bağlarının vı konqresində iştirak edir.

İnstitutdan Aztibb.az-a bildirilib ki, konqresdə Dendrologiya İnstitutunun 2022-ci il üzrə yekun hesabatı təqdim edilib.

Alim, həmçinin Rusiya Elmlər Akademiyasının 300 illik yubileyinə həsr olunmuş “XXI-ci əsrdə botanika bağlarında fundamental və tətbiqi problemlər” adlı beynəlxalq elmi konfransda “Azərbaycanın təbiət qoruqlarına iqlim dəyişikliyinin təsirinin öyrənilməsi” mövzusunda məruzə ilə çıxış edib. 

Konqres Rusiya Elmlər Akademiyası, Beynəlxalq Elmlər Akademiyaları Assosiasiyaları yanında (IAAS) MDB ölkələrinin Nəbatat bağları Şurası, Rusiya, Belarusiya, Qazaxıstan Nəbatat bağları şuralarının təşkilatçılığı ilə həyata keçirilib.

Qeyd edək ki, Azərbaycan Respublikası Elm və Təhsil Nazirliyi Dendrologiya İnstitutu, Beynəlxalq Elmlər Akademiyaları Assosiasiyasında (IAAS) MDB ölkələrinin Botanika bağlarının üzvüdür. Müxtəlif ölkələrin 100-dən çox botanika bağı ilə əməkdaşlıq edir.