Naxçıvan Muxtar Respublikası Səhiyyə nazirinin birinci müavini, nazir vəzifələrini icra edən Samiq Sadıxov professordan ibarət həkimlər heyətilə görüşüb. Bildirib ki, hazırda muxtar respublikada səhiyyə sahəsində köklü islahatlar həyata keçirilir, dünya təcrübəsinə əsaslanmaqla struktur yenilikləri aparılır. Bu islahatların əsas məqsədi cəmiyyətin ehtiyac və tələbləri nəzərə alınmaqla, tibbi xidmətin keyfiyyətini yüksəltmək və onun inkişafını təmin etməkdir.

 

Samiq Sadıxov vurğulayıb ki, bu cür peşəkar həkimlərin iştirak etdiyi aksiyaların keçirilməsi, həm əhalinin həkim müayinələrinə olan tələbatının ödənilməsi, həm də yerli həkim heyəti ilə təcrübə mübadilələrinin aparılması baxımından əhəmiyyətlidir.

 

Qonaqlar dəvət üçün minnətdarlıqlarını bildirərək, Naxçıvanda ilk dəfə olduqlarını, yaradılan şəraitdən məmnunluqlarını söyləyiblər. Tibbi xidmətlə yanaşı, tibbi təhsillə də məşğul olduqlarını söyləyən türkiyəli həkimlər öz təcrübə və bilikləri ilə Naxçıvanda tibb təhsili üçün də xidmət göstərməyin onlar üçün xoş olacağını bildirdilər.

 

Qeyd edək ki, aksiyadan 300-ə yaxın xəstə yararlanıb.