“Sağlam” İctimai Birliyinin təşkilatçılığı, Heydər Əliyev Fondunun maliyyə dəstəyi və “AzərGold”-un təsisçiliyi ilə Gəncə şəhərində “Autizm və oxşar inkişaf geriliyi olan uşaqlarda erkən diaqnostika” adlı təlim keçirilib.

Gəncə Şəhər Birləşmiş Xəstəxanasından Aztibb.az-a bildirilib ki, təlimdə xəstəxananın tabeliyindəki Ailə Sağlamlıq Mərkəzlərində çalışan və ətraf rayonlardan dəvət edilmiş ixtisaslı həkim-nevroloq, ailə həkim-pediatr, psixiatr və psixoloqlar iştirak ediblər.

Tədbirdin açılışını Gəncə ŞBX-nin direktoru İlkin İsmayılov edib, daha sonra söz Türkiyədən dəvət almış prof. Nahit Motavelli Mukaddesə verilib.

Təlimin gedişatında Autizm Mərkəzinin rəhbəri Aytən Eynalova və Gəncə ŞBX-nin İlkin Səhiyyə Xidmətinin rəhbəri Xalidə Sadıqova da çıxış ediblər. Xalidə Sadıqova çıxışında ASM-də çalışan ailə həkim-pediatrların autizm xəstəliyinin erkən aşkarlanmasında böyük rolunun olduğunu deyib, yeni patronaj modelinin tətbiqinin autizmin erkən aşkarlanmasındakı əhəmiyyətindən bəhs edib.