Xətai Tibb Mərkəzi TƏBİB tərəfindən xeyli sayda müasir tibbi avadanlıqlarla təchiz edilib. Onlardan biri də laparoskopdur.

 

Mərkəzdən Aztibb.az-a verilən məlumata görə, laparoskopiya optik cihazın köməyi ilə həyata keçirilən tibbi diaqnoz və müalicə metodudur. Laparoskopiyadan sonra bərpa ənənəvi cərrahi üsullarla müqayisədə olduqca sürətlidir. Laparoskop optik cihaz qarın bölgəsinə kəsik yolu ilə daxil edilir. Bu, cərrahın monitorla əlaqəli ərazini rahatlıqla müşahidə etməsinə imkan verir. Müdaxiləyə ehtiyac varsa, qarın bölgəsindəki kəsiklərə trokar borular qoyur. Bu borular vasitəsilə köməkçi qurğular əməliyyat yerinə daxil olur ki, həkim xəstəyə asanlıqla və effektiv şəkildə müdaxilə etsin. Əməliyyat uzun çəkmir, ağrısız olur, iz qalmır. Xəstə tez ayağa qalxıb normal həyatına davam edir. Aparat müasir standartlara cavab verir.

 

Xətai Tibb Mərkəzində yeni quraşdırılmış laparoskopla ilk dəfə əməliyyat həyata keçirilib. Mərkəzin Ginekologiya və doğum şöbəsində yumurtalığın kistası əməliyyatı genikoloqlar İsrafil Həsənəv və Şərifə Musayeva tərəfindən icra edilib.

 

Əməliyyat uğurla başa çatıb.