Sumqayıt Tibb Mərkəzi (STM) icbari tibbi sığortanın tətbiqindən 2023-cü il avqustun 1-dək olan müddətdə vətəndaşlara 6 milyon 500 minə yaxın xidmət göstərib.

Aztibb.az STM-ə istinadla xəbər verir ki, Sumqayıtda icbari tibbi sığorta uğurla tətbiq olunur. İcbari Tibbi Sığortanın tətbiqi ilə əlaqədar bütün tibb müəssisələrində struktura uyğun olaraq xidmətlər təşkil olunmuş, görülən işlərin nəticəsində tibb müəssisələrinə 2021-ci il aprelin 1-dən 2023-cü il avqustun 1-dək olan müddətdə Sumqayıt Tibb Mərkəzinin tabeliyində olan müəssisələrə 2 milyon 645 min 127 müraciət olub və vətəndaşlara 6 milyon 434 min 957 xidmət göstərilib.

Sumqayıt Tibb Mərkəzinin tabeliyində olan tibb müəssisələrində gündəlik xidmət sayı 15-20 min arası dəyişir.

Hər bir Azərbaycan vətəndaşı icbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər.