Mən Mərkəzi Gömrük Hospitalının uşaq nevroloqu Mehriban Məmmədovaya dərin təşəkkürümü bildirirəm. 2 ilə yaxındır ki, mütəmadi olaraq Mehriban xanımın qəbulunda oluruq. Oğlumun hal-hazırda 6 yaşı var. İlk başlarda oğlum cəmi 1-2 söz bilirdisə, indi artıq bütün sözləri bilir və yerli yerində istifadə edib danışır. Mehriban xanımın peşəkarlığı və qayğısı sayəsində oğlum artıq sərbəst şəkildə danışa bilir.

 

Aztibb.az xəbər verir ki, bu barədə 6 yaşlı Abbaslı Nurlanın anası Xanım Abbasova Mərkəzi Gömrük Hospitalına təşəkkür məktubunda bildirib.

 

O, qeyd edib ki, Gömrük Hospitalında hər şey yüksək peşəkarlıqla təşkil olunub: "Çox şadam ki, mən məhz bu Hospitalı seçdim. Mərkəzi Gömrük Hospitalının baş həkimi Bəxtiyar Musayevə, uşaq nevroloqu Mehriban Məmmədovaya və oğluma tibb xidmət göstərən tibb heyətinə təşəkkür edirəm. Bütün kollektivə işlərində uğurlar arzu edirəm!"