Polşada ağciyər xəstəliyinin bir növü olan legioner xəstəliyinə səbəb olan legionella bakteriyasından ölənlərin sayı 22-yə yüksəlib.

Aztibb.az-ın medimagazin.com.tr-yə istinadla xəbərinə görə, ölkənin cənub-şərqindəki Rzeşov şəhərində epidemiya ilə bağlı araşdırmalar davam edir. Ölümcül bakteriyadan dünyasını dəyişən sonuncu şəxs şəhərin universitet xəstəxanasına yerləşdirilən 74 yaşlı qadın olub.

Epidemiya başlayandan bəri legionella bakteriyasına yoluxmuş ən azı 160 nəfər ölkənin müxtəlif xəstəxanalarında müalicə olunur. 

Qripə bənzər simptomlarla başlayan və pnevmoniyaya qədər davam edən legioner xəstəliyi müalicə edilmədikdə tənəffüs, çoxlu orqan çatışmazlığına və ölümə səbəb ola bilər.