Aztibb.az-ın "Həkimlərimizi tanıyaq!" rubrikasında bu dəfə TƏBİB-in tabeliyindəki Sumqayıt Tibb Mərkəzi 4 nömrəli xəstəxananın həkim kardioloqu Habil Əsmətovdan bəhs edəcəyik.

 

O, 1973-cü ildə Sumqayıt şəhərində anadan olub. 1990-1996-ci illərdə Azərbaycan Tibb Universitetinin Pediatriya fakültəsində təhsil alıb. 1996-1997-ci illərdə Biləsuvar Rayon Xəstəxanasında revmatologiya üzrə internatura keçib.

 

Habil Əsmətov 1997-2006-cı illərdə Bakı şəhərində ASQO özəl tibb müəssisəsində həkim kimi fəaliyyətə başlayıb. 2006-cı ildə Sumqayıt şəhər 4 nömrəli Xəstəxanada növbətçi həkim, 2007-ci ildə həmin xəstəxanaın Kardiologiya şöbəsində kardioloq işləyib. 2013- 2021-ci illərdə Kardiologiya şöbəsinin müdiri olub. 2021-cildən 4 nömrəli xəstəxananın Terapiya şöbəsinin müdiri kimi fəaliyyətini davam etdirir.

 

2010-cu ildə kardiologiya üzrə kursda olub. 2012-ci ildə kardiologiya üzrə sertifikasiya imtahanı verib.