Avqust ayında Kliniki Tibbi Mərkəzə (KTM) zəhərlənmə ilə bağlı 703 nəfər müraciət edib. Zəhərlənən şəxslərdən 7-si dünyasını dəyişib. Ölüm halının 6-sı sirkə turşusundan, 1-i isə dərman zəhərlənməsindən baş verib.
Bu barədə Aztibb.az-a KTM-dən məlumat verilib.
Bildirilib ki, Mərkəzə müraciət edənlərdən 162 nəfər Toksikologiya şöbəsinə qəbul edilib, digərlərinə isə ilkin tibbi yardım göstərilərək evə buraxılıb.
Qəbul olunan xəstələrdən 83-ü dərmandan, 37-si sirkə turşusundan, 17-si etanoldan, 2-si dəm qazından 1-i anaflaksiyadan zəhərlənib. Digərlərindən 4-ü allergik reaksiyadan, 1-i isə botulizm səbəbindən xəstəxanaya yerləşdirilib.
Həmçinin onlardan 16 nəfəri ilan, 1-ni isə həşərat sancıb.
Həkimlərin səylərinə baxmayaraq, zəhərlənən şəxslərdən 7-si dünyasını dəyişib. Onlardan 6-sı kişi, 1-i qadın olub.
