"Həkimlərimzi tanıyaq!" rubrikamızda balaca pasiyentlərinə qarşı həssas, mehriban və qayğıkeş olan uşaq həkimi, Füzuli Rayon Mərkəzi Xəstəxanasının Uşaq şöbəsinin müdiri Şəfa Şükürovu Sizə təqdim edirik.

 

O, 1985-ci il Füzuli şəhərində anadan olub. 2003-2009-cu illərdə Azərbaycan Tibb Universitetinin Pediatriya fakültəsində təhsil alıb. 2009-2010 -cu illərdə Füzuli Uşaq xəstəxanasında internatura keçib.

 

Şəfa Şükürov 2012-2014-cü illərdə Füzuli rayon Əhmədbəyli kənd xəstəxanasında baş həkim, 2014-2016-cı illərdə Füzuli RMX-nin Terapiya şöbəsinin müdiri, 2016-2021-ci illərdə Poliklinika şöbəsinin müdiri vəzifələrində işləyib.

2022-ci ildən Uşaq şöbəsinin müdiri təyin olunub.

 

Həkim 2018-ci il Azərbaycan Respublikası Prezident yanında Dövlət İdarəçilik Akademiyası "Siyasi idarəetmə" fakültəsinə daxil olub. 2021-ci il həmin Akademiyanın "Menecment" ixtisası üzrə təhsil alıb.

 

Qeyd edək ki, Şəfa Şükürovun 44 günlük Vətən müharibəsində yaralıların qəbulu, tibbi xidmətin təşkili və arxa xəstəxanalara evakuasiya edilməsində də böyük xidmətləri olmuşdur.