Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov Masallı rayonunda vətəndaşları qəbul edib.

Agentlikdən Aztibb.az-a verilən xəbərə görə, qəbul zamanı vətəndaşların əlilliyinin qiymətləndirilməsi, ünvanlı sosial yardım, özünüməşğulluq, reabilitasiya xidmətləri və əlilliyin gücləndirilməsi ilə bağlı müraciətləri dinlənilib. Müraciətlərdə əksini tapan məsələlər araşdırılaraq cavablandırılıb. Bir sıra məsələlər yerindəcə həll olunub.

Vətəndaşların bir qisminin müraciəti ilə əlaqədar əlilliyin qiymətləndirilməsinə dair qanunvericilik barədə ətraflı məlumat verilib.