Mərkəzi Gömrük Hospitalında müayinədən keçən Azərbaycan Tibb Universitetinin Bioloji kimya kafedrasının baş müəllimi, b.ü.f.d. Ellada Hüseynova Hospitala təşəkkür məktubu ünvanlayıb.

Aztibb.az xəbər verir ki, məktubda deyilir:

"Həkimlik incə bir sənətdir. İnsanların qayğısına qalmaq, onların dərdləri ilə maraqlanmaq, anında problemlərini həll etmək heç də asan iş deyil. Ona görə də həkim olmaq üçün, ilk növbədə, vicdanlı bir insan olmalısan.

Vəziyyət elə gətirdi ki, mənim böyrəyimdəki ağrılar uzi həkiminə getməyimə səbəb oldu. Yaxın rəfiqəm mənə Mərkəzi Gömrük Hospitalında sonoloq Günay Əhmədovanın yanına getməyimi məsləhət gördü. Növbə götürərək Günay xanımın qəbulunda oldum. Məni tam dəqiqliklə müayinə etdi. Ən əsas da həkimin gülərüzü və insanlığı məni heyran etdi. Su içməyimi və 1 saatdan sonra yenidən onun qəbuluna gəlməyimi xahiş etdi.

Allahımdan məhz Günay xanım kimi savadlı, qaygıkeş, insanpərvər, vicdanlı həkimlərimizin sayının cox olmasını istərdim. Ümüd edirəm duam qəbul olar".