Aztibb.az-ın "Həkimlərimizi tanıyaq!" rubrikasının növbəti qonağı Respublika Endokrinoloji Mərkəzin həkim-endokrinoloqu, tibb üzrə fəlsəfə doktoru Ülviyyə Əhmədovadır.
O, 1994-2000-ci illərdə Azərbaycan Tibb Universitetinin Müalicə işi fakültəsində təhsil alıb. 2000-2001-ci illərdə F.Əfəndiyev adına 4 saylı Şəhər Klinik Xəstəxanasında Endokrinologiya ixtisası üzrə internatura keçib.
Ü.Əhmədova 2003-cü ildən Respublika Endokrinoloji Mərkəzdə həkim-endokrinoloq vəzifəsində çalışır.
2018-ci ildə "Şəkərli diabet tip 2 olan xəstələrdə diabetik nefropatiyanin inkişafında erkən prediktorların rolunun qiymətləndirilməsi" mövzusunda dissertasiya işini müdafiə edərək tibb üzrə fəlsəfə doktoru elmi dərəcəsini alıb.
Həkim bu illər ərzində dəfələrlə Azərbaycanda və xarici ölkələrdə müxtəlif beynəlxalq və yerli konfrans, konqres və simpoziumlarda iştirak edərək müxtəlif sertifikatlarla təltif olunub.
O, Respublika Endokrinoloji Mərkəzdə pedaqoji fəaliyyətlə də məşğuldur, rezidentlərə dərs deyir.
