Böyük Britaniyanın Milli Sağlamlıq Xidməti (NHS) müalicə müddətini 75 faizə qədər qısaldan "xərçəng peyvəndi"nin artıq əlçatan olduğunu açıqlayıb.
Aztibb.az medimagazin.com.tr-yə istinadla bildirir ki, bununla da NHS dünyada xərçəng peyvəndi istehsal edən ilk ictimai səhiyyə xidməti olub.
NHS-in bəyanatında deyilir:
“Yeddi dəqiqədən az vaxt aparan xərçəng əleyhinə inyeksiya sayəsində bəzi xərçəng xəstələri üçün dərman müalicəsinin müddəti dörddə üçə qədər qısalacaq.
Dərman və Sağlamlıq Məhsullarını Tənzimləmə Təşkilatı (MHRA) tərəfindən təsdiqləndikdən sonra İngiltərədəki NHS hər il yüzlərlə xəstəyə yeddi dəqiqəlik inyeksiya tətbiq edən dünyada ilk səhiyyə qurumu olacaq.
Hal-hazırda xəstələr xəstəxanada dərman transfüzyonu vasitəsilə ömürlük immunoterapiya atezolizumabı birbaşa damarlarına alırlar. Atezolizumab, xərçəng hüceyrələrini tapmaq və məhv etmək üçün xəstənin öz immun sistemini gücləndirən immunoterapiya dərmanıdır. Müalicə hazırda ağciyər, döş, qaraciyər və sidik kisəsi də daxil olmaqla müxtəlif növ xərçəngi olan NHS xəstələrinə transfüzyon yolu ilə təklif olunur".