Polşada ağciyər xəstəliyinin bir növü olan legioner xəstəliyinə səbəb olan legionella bakteriyasından ölənlərin sayı 11-ə yüksəlib.

Aztibb.az-ın medimagazin.com.tr-yə istinadla məlumatına görə, ölkənin cənub-şərqindəki Rzeşov şəhərində epidemiya ilə bağlı araşdırmalar davam edir.

Polşa Səhiyyə Nazirliyinin açıqlamasında infeksiyanın mənbəyinin bələdiyyə su təchizatı şəbəkəsi olduğu və avqustun 18-də götürülmüş su nümunələrinin ilk sınaq nəticələrinin bunu təsdiqlədiyi bildirilir.

Xatirladaq ki, avqustun 25-də verilən açıqlamada bakteriya səbəbindən 7 nəfərin öldüyü qeyd edilmişdi.

Qripə bənzər əlamətlərlə başlayan və pnevmoniyaya qədər irəliləyən legioner xəstəliyi müalicə edilmədikdə tənəffüs və çoxlu orqan çatışmazlığına, eləcə də ölümə səbəb ola bilər.