Polşanın Jeşuv şəhəri ərazisində "legionellyoza" (legioner xəstəliyi) adlandırılan yoluxucu epidemiya qeydə alınıb.

Aztibb.az-ın TASS-a istinadla xəbərinə görə, artıq 5 nəfər infeksiyadan ölüb, 74 nəfər isə bu virusa yoluxub.

Şəhərdə infeksiyanın yayılmasının qarşısını almaq üçün tədbirlər hazırlamaq üçün Polşanın Səhiyyə naziri Katarjina Soykanın iştirakı ilə böhran qərargahının iclası çağırılıb.

Qeyd edək ki, xəstəlik “legionella” bakteriyaları vasitəsilə yayılır. Hələ ki, yoluxmanın əsas yayıcısı kimi su xətləri göstərilir.