Tibbi Ərazi Bölmələrini İdarəetmə Birliyi (TƏBİB) Tibbi xidmətlərin inkişafı departamentinin Yoluxucu xəstəliklər və infeksion nəzarətin təşkili şöbəsinə aparıcı məsləhətçi vəzifəsi üzrə vakansiyalar elan edir.

Bu barədə Aztibb.az-a TƏBİB-dən məlumat verilib.

İş yeri:
Bakı şəhəri, N.Nərimanov 206A, "Capital Towers" Biznes Mərkəzi

Tələb olunan bilik, təcrübə və bacarıqlar:

• Ali təhsil (Tibb təhsili);
• Sahə üzrə minimum 2 il iş təcrübəsi;
• Kompüter bilikləri: “Microsoft Office” – sərbəst;
• Dil bilikləri: İngilis dili – yaxşı ;
• İnfeksion nəzarət sistemi üzrə beynəlxalq və ya yerli sertifikatlar-arzuolunandır;

Şəxsi keyfiyyət və bacarıqlara dair tələblər: 

• Problemi təhlil etmə bacarığı;
• Təşəbbüskarlıq;
• Nəticəyönümlülük;
• Məsuliyyətlilik;
• İntizamlılıq;
• Dəqiqlik;
• Analitik düşüncə;
• Komandada işləmə bacarığı.

 İşin təsviri:
• Daxil olan məktub, ərizələrin araşdırılmasında və müvafiq cavabların hazırlanmasında iştirak etmək;
• Tabeli müəssisələrdə İnfeksion nəzarət komitələrinin fəaliyyəti üzrə hesabatlarının və statistik məlumatlarının toplanılaraq lazımi hesabatların hazırlanmasında iştirak etmək;
• Tibb müəssisələrinin sanitar-epidemioloji norma və qaydalara uyğunluğunun qiymətləndirilməsində iştirak etmək;
• Təlimat, qayda, prosedur və s. kimi sənədlərin hazırlanmasında iştirak etmək;
• Fəaliyyəti üzrə ezamiyyə səfərlərini həyata keçirmək;
• TƏBİB-in daxili intizam və etik davranış qaydalarına riayət etmək;
• Tabeli müəssisələrdə mövcud Yoluxucu xəstəliklər şöbələrinin fəaliyyətinin təkmilləşdirilməsi istiqamətində təkliflər vermək və nəzarəti həyata keçirmək.

Əlavə qeydlər:
• İş qrafiki: Bazar ertəsi - Cümə, 5 günlük iş həftəsi;
• İş vaxtı: 09:00 – 18:00.

Müraciət qaydası:
• Vakansiyaya son müraciət tarixi: 04.09.2023
• CV-lər vacancy@tabib.gov.az ünvanına göndərilməlidir;
• Göstərilən tələblərə cavab verən namizədlərdən CV-lərini mövzu yerinə “Yoluxucu xəstəliklər və infeksion nəzarətin təşkili şöbəsinə aparıcı məsləhətçi” yazaraq göndərmələri xahiş olunur.

Müraciətlər nəzərdən keçirilərək, yalnız yuxarıda göstərilən müraciət qaydalarına riayət edən və tələb olunan sənədləri təqdim edən namizədlərlə əlaqə saxlanılacaqdır.

Qeyd: TƏBİB İT təhlükəsizliyi səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com.

Müraciətinizi başqa domenli elektron poçt ünvanlarından göndərməyiniz xahiş olunur.