Sumqayıt Tibb Mərkəzi (STM) 2023-cü ilin iyul ayında vətəndaşlara göstərilən xidmət sayını açıqlayıb.

STM-dən Aztibb.az-a bildirilib ki, bu ilin iyul ayında mərkəzin tabeliyində olan tibb müəssisələrinə vətəndaşlar tərəfindən 115 min 872 müraciət olub. Bu müraciətlərdən 112 min 635 ambulator, 3147 isə stasionar müraciətdir.

Vətəndaşlara göstərilən tibbi xidmətlərin sayı isə 336 min 193 təşkil edib.

Bu xidmətlərdən 248 min 327 ambulator , 87 min 866 isə stasionar xidmətdir.

Qeyd edək ki, tibb müəssisəsinə müraciət edən hər bir Azərbaycan vətəndaşı icbari tibbi sığorta ilə Xidmətlər Zərfinə daxil olan tibbi xidmətlərdən ödənişsiz istifadə edə bilər.