TƏBİB-in tabeliyindəki Bakı Şəhər Təcili və Təxirəsalınmaz Tibbi Yardım Stansiyasına 03.06.2023-13.08.2023 tarixləri aralığında suda boğulma ilə bağlı ümumi 47 müraciət daxil olub.
TƏBİB-dən Aztibb.az-a bildirilib ki, onlardan 9 nəfərə yerində tibbi yardım göstərilib, 19 nəfər hospitalizasiya olunub və təəssüf ki, 19 nəfər isə Təcili və Təxirəsalınmaz Tibbi Yardım gələnə qədər vəfat edib.
Qeyd edək ki, hər gün dövlət nəzarəti olan 19 çimərlikdə Bakı Şəhər Təcili və Təxirəsalınmaz Tibbi Yardım Stansiyasın təcili yardım briqadaları növbəli şəkildə xidmət aparır.
Təcili və Təxirəsalınmaz Tibbi Yardım avtomobillərində suda boğulan şəxslərə ilkin tibbi yardım tədbirlərini həyata keçirmək üçün hər bir təchizat və təminat mövcuddur. Suda boğulmanın ilk dəqiqələrində zərərçəkənlərin 90%-ni, 6–7 dəqiqədən sonra isə yalnız 1–3%-ni xilas etmək mümkündür.
