"Həkimlərimizi tanıyaq!” rubrikamızda xoş xasiyyəti ilə pasiyentlərin rəğbətini qazanmış Azərbaycan Respublikası Səhiyyə Nazirliyinin “Elmi-Tədqiqat Ağciyər Xəstəlikləri İnstitutu” PHŞ-nın l Pulmonologiya şöbəsinin müdiri, t.ü.f.d. Vasif Abdullayevdən bəhs edəcəyik.
O, 12 may 1957-ci ildə Goranboy rayonunda anadan olub. 1974-1978-ci illərdə Nəriman Nərimanov adına Azərbaycan Dövlət Tibb İnstitutunun Müalicə-profilaktika fakültəsində təhsil alıb. 1980-1981-ci illərdə Bakı şəhəri 3 saylı klinikada internatura kursu keçib.
V.Abdullayev 1981-1983-cü illərdə Goranboy Mərkəzi Xəstəxanasında Təcili yardım şöbəsinin müdiri, 1983-1987-ci illərdə Goranboy Mərkəzi Xəstəxanasında Terapiya şöbəsinin müdiri vəzifələrində çalışıb.
1988-ci ilin fevral ayından Səhiyyə Nazirliyinin Elmi-Tədqiqat Ağciyər Xəstəliklər İnstitutunda işləyir.
Peşəkar həkim Avropa Respirator Cəmiyyətinin üzvüdür.
O, 1995-ci ildə dissertasiya işinu müdafiə edərək tibb üzrə fəlsəfə doktoru elmi dərəcəsini alıb. 150-dən çox tezis və elmi məqalənin müəllifidir.
2012-2017-2022-ci illərdə Terapiya üzrə sertifikasiyalardan keçib.
V.Abdullayev 2015-ci ildə Azərbaycan Respublikasının “Əməkdar həkimi” fəxri adına layiq görülüb.
_191.jpg "İnfarktdan sonra ürəyi zədələnmələrdən qorumağın yolu tapılıb")
_39.jpg "Bakı və Sumqayıtda qripə qarşı peyvəndləmə başlayıb")
