Oksford Universiteti tərəfindən hazırlanan koronavirusa qarşı peyvənd təhlükəsizdir və immunitet sisteminə müsbət təsir edir.

Aztibb.az xəbər verir ki, bu barədə Oksford tədqiqat qrupundan professor Endryu Pollard məlumat verib.

O, bildirib ki, bu peyvəndin sınağında 1077 nəfər iştirak edib. "Peyvənd koronavirusla mübarizə edə biləcək antikorlar və T hüceyrələri yaratmasına səbəb oldu. Həm zərərsizləşdirən antikorları, həm də T-hüceyrələrini gördüyümüz üçün əldə olunan nəticələrdən çox məmnunuq".

Sınaqların davam etdiriləcəyi bildirilib.

Qeyd edək ki,“AstraZeneca” şirkəti ilə Oksford Universiteti tərəfindən hazırlanan peyvənd üçün 100 milyon dozalıq saziş imzalayıb. İngiltərə hökuməti indiyə qədər müsbət nəticələr verən və ya vəd edən şirkətlərlə 90 milyon dozalıq peyvənd müqaviləsi imzalayıb.

Bu peyvəndlərin nəticələri hələ ki, məlum deyil.