Aztibb.az-ın "Həkimlərimizi tanıyaq!“ rubrikasının bu dəfəki qonağı Sumqayıt Tibb Mərkəzinin nəzdindəki 1 nömrəli Ailə Sağlamlıq Mərkəzinin (ASM) ailə həkimi-pediatr Ülkər Əliyevadır.
O, 1992-ci ildə Bakı şəhərində anadan olub. 2009-2015-cü illərdə Azərbaycan Tibb Universitetinin Müalicə işi fakültəsində təhsil alıb. 2016-2021-ci illərdə Azərbaycan Tibb Universitetinin Tədris Terapevtik Klinikasında Pediatriya ixtisası üzrə rezidentura keçib.
Ü.Əliyeva 2019-cu ildə İstanbul Cərrahpaşa Universitetinin Tibb fakültəsində Exokardiya üzrə kurs keçib. 2020-ci ildə “Pediatrik Revmatologiya və Ümumi Pediatriya üzrə İntensiv təlim“ kursunda iştirak edib.
2021-ci ildə Bakı şəhərində 22 saylı Birləşmiş Şəhər Xəstəxanasında ailə həkimi, pediatr vəzifəsində işləyib. 2023-cü ilin may ayından Sumqayıt Tibb Mərkəzinin 1 nömrəli Ailə Sağlamlıq Mərkəzində ailə həkimi-pediatr vəzifəsində çalışır.
