Azərbaycan Respublikası Prezidenti İlham Əliyevin 16 iyun 2023-cü il tarixli Sərəncamı ilə səhiyyə sahəsində xüsusi xidmətlərinə və yüksək peşəkarlığına görə “Əməkdar həkim” fəxri adı ilə təltif olunanlardan biri də həkim-cərrah Əzizov Fazil Əziz oğludur. O, hazırda TƏBİB-in tabeliyindəki Ağsu Rayon Mərkəzi Xəstəxanasında çalışır.
Aztibb.az xəbər verir ki, Fazil Əzizov 1952-ci ildə Ağsu rayonunun Rəhimağalı kəndində anadan olub. 1975-1981-ci illərdə Azərbaycan Tibb Universitetində Müalicə-profilaktika fakültəsində təhsil alıb.
1978-1980-ci illərdə M.Nağıyev adına Təcili Təxirəsalınmaz Tibbi Yardım Stansiyasında tibb qardaşı işləyib. 1981-1982-ci illərdə həmin tibb müəssisəsində Cərrahiyyə ixtisası üzrə internatura təhsili alıb.
O, 1982-2020-ci illərdə Ağsu Rayon Mərkəzi Xəstəxanasının həkim-cərrahı, 2020-ci ildən etibarən isə Cərrahiyyə şöbəsinin müdiri vəzifəsində çalışır.
