TƏBİB-in tabeliyindəki Sumqayıt Tibb Mərkəzi (STM) uşaq bağçalarında mütəmadi olaraq maarifləndirici tədbirlər keçirir.

STM-dən Aztibb.az-a bildirilib ki, bu tədbirlərin əsas məqsədi bir çox infeksion xəstəliklərdən qorunmaqda ən effektiv vasitə olan peyvəndlərlə bağlı insanları maarifləndirmək, uşaqların və gələcəyimizin təhlükəsizliyini təmin etməkdir.

Növbəti belə tədbirlər 38 nömrəli və 65 nömrəli Körpələr evi-uşaq bağçalarında keçirilib.

4 nömrəli Ailə Sağlamlıq Mərkəzinin (ASM) ailə həkimi, pediatrları Sevinc Hüseynova, Vüsalə Məmmədova və Aybəniz Əmiraslanova uşaqlarda profilaktik peyvəndin əhəmiyyəti ilə bağlı valideynlərə ətraflı məlumat verib.

Qarşılıqlı fikir mübadiləsi şəraitində keçən tədbirlərdə valideynləri maraqlandıran suallar cavablandırılıb.