Akademik Mirməmməd Cavadzadə adına Respublika Kliniki Uroloji Xəstəxanasına 1956-cı il təvəllüdlü sağ böyrəyin törəməsi diaqnozu ilə xəstə daxil olub.

Xəstəxanadan Aztibb.az-a bildirilib ki, həkimlər tərəfindən aparılan müayinələrdən sonra xəstəyə əməliyyat olunmağı məsləhət görülüb.

Pasiyent üzərində sağtərəfli radikal nefrektomiya əməliyyatı icra edilib.

Hazırda xəstənin vəziyyəti kafi olaraq qiymətləndirilir.

Qeyd edək ki, əməliyyatı klinikanın peşəkar həkimləri Fərhad Cavadov, Nehmət Beygiyev və Şəhriyar Camalzadə icra ediblər.