Avqustun 11-də saat 10:00-da Səhiyyə Nazirliyinin Elmi-Tədqiqat Travmatologiya və Ortopediya İnstitutu tərəfindən Ulu Öndər Heydər Əliyevin 100 illiyinə həsr olunmuş səyyar elmi-praktik konfrans keçiriləcək.

İnstitutdan Aztibb.az-a verilən məlumata görə, tədbir Qəbələ şəhərindəki Sport Hoteldə baş tutacaq.

Konfransda "Əl cərrahiyyəsində buraxılan səhvlər və bununla əlaqədar baş vermiş fəsadlar", "Səhiyyə Nazirliyinin protokoluna əsaslanan travmatoloji və ortopedik əməliyyatlardan sonra trombemboliyanın profilaktikası", "Degenerativ onurğa deformasiyaları", "Açıq sınıqların müalicə alqoritmi" və digər mövzularda məruzələr dinləniləcək.