Azərbaycan Oftalmoloqlar Cəmiyyətinin Gənc Oftalmoloqlar Komitəsinin katibi, gənc oftalmoloq Lalə Məmmədova Amerika Oftalmoloqlar Akademiyasının Qlobal Gənc Oftalmoloqlarının Zirvə görüşündə iştirak edib.

 

Aztibb.az-a Cəmiyyətdən verilən məlumata görə, toplantıda Amerika Birləşmiş Ştatları, Hindistan, Banqladeş, Cənubi Afrika, Türkiyə, Sinqapur və digər ölkələrin Gənc Oftalmoloqlar Cəmiyyətlərinin mütəxəssisləri müxtəlif aktual mövzuları müzakirə ediblər.

 

Tədbirdə oftalmologiyada davamlılıq, ümumdünya gənc oftalmoloqların təhsil proqramları, ümumdünya konqreslərin təşkilində gənc oftalmoloqların rolu, ABŞ-da keçiriləcək Qlobal Sammitin gənc oftalmoloqlar üçün üstünlükləri və digər məsələlər ətrafında müzakirələr aparılıb. Gələcəkdə tətbiq edilmək üzrə qərarlar qəbul edilib.