Tibbi Ərazi Bölmələrini İdarəetmə Birliyinin (TƏBİB) təşkilatçılığı və Ümumdünya Səhiyyə Təşkilatının (ÜST) dəstəyi ilə Sumqayıt şəhərində yerləşən Simulyasiya Təlim mərkəzində Bakı Şəhəri Təcili və Təxirəsalınmaz Tibbi Yardım Stansiyasının həkimlərinə Təməl (BLS) və Təkmil həyat dəstəyi (ACLS) təlimləri keçirilib.

 

 

Aztibb.az-a TƏBİB-dən bildirilib ki, təlimlər zamanı ÜST-nin təlimçiləri tərəfindən həkimlərə təcili və təxirəsalınmaz halların idarə edilməsinə aid nəzəri məlumatlar verilib, kritik hallar zamanı təcili yardımın müasir protokolları dinləyicilərə çatdırılıb. Növbəti mərhələdə isə mulyaj və manekenlər üzərində ürək masajı, süni tənəffüs, traxeyanın intubasiyası və s. kimi praktiki bacarıqların düzgün qaydada icra texnikaları öyrədilib. Bununla yanaşı, təlimdən əvvəl və sonra müasir protokollar əsasında hazırlanmış testlər vasitəsilə iştirakçıların bilik və bacarıq səviyyələrinin dəyərləndirilməsi aparılıb.

 

Qeyd edəki ki, Bakı şəhərində çalışan bütün təcili və təxirəsalınmaz tibbi yardım həkimlərinin bilik və bacarıqlarının artırılması məqsədilə bu kimi təlimlərin mütəmadi olaraq keçirilməsi planlaşdırılır.