İki gün öncə həyata keçirdiyimiz böyrək transplantasiyası ilə xəstəmiz dializsiz həyatına davam etməyə başladı.

 

Məlumatda qeyd edilir ki, uzun müddətdir yüksək təzyiq və şəkərli diabeti olan xəstəmizdə son mərhələli böyrək çatışmazlığı yaranmışdı. Bu xəstəlikləri olan pasiyentdə, eyni zamanda, ürək damarlarında ciddi aterosklerotik darlıqlar yarandığı üçün 1 il əvvəl açıq ürək əməliyyatı (AKŞ) aparılmışdı.

 

"Əməliyyatdan sonra da kreatinin göstəriciləri yüksək olan xəstə 2 seçim arasında qaldıqda həyat yoldaşından gələn hədiyyə böyrəklə yenidən sağlam həyata bağlana bildi.

 

Pasiyentimiz dializə girmədən (premtiv nəql) köçürdüyümüz böyrəklə sağlam həyata başladı.

Bu gün hər ikisinin qan göstəriciləri normal oldu. Hər ikisini də yaxın günlərdə evə göndərməyi planlayırıq", - deyə Tariyel Nadirov bildirib.

Transplantoloq bu əməliyyatları həyata keçirməkdə əziyyəti olanlara təşəkkür edib.