Ümumdünya Səhiyyə Təşkilatı aspartamı "potensial kanserogen maddələr" siyahısına əlavə edib. İçkilərdən dərmanlara qədər geniş çeşiddə məhsullarda istifadə edilən aspartamın səbəb ola biləcəyi sağlamlıq problemlərindən qaçmaq üçün bəzi xəbərdarlıqlara diqqət yetirmək lazımdır.
Aztibb.az trthaber.com-a istinadən xəbər verir ki, pəhriz içkiləri, hazır qəhvə, saqqız, şirniyyat, şokolad, konservlər, diş pastası, hətta bəzi dərmanların tərkibində "aspartam" adlı süni dadlandırıcı var.
Uzun illərdir istifadə edilən aspartamı gündəmə gətirən Ümumdünya Səhiyyə Təşkilatının verdiyi açıqlama olub. ÜST-ə bağlı Beynəlxalq Xərçəng Araşdırmaları Mərkəzi aspartamı "Qrup 2B", yəni "xərçəngdən şübhələnən maddələrin sinfi" olaraq təyin olunan siyahıya əlavə edib. Bununla belə, onun gündəlik təhlükəsiz aspartam istehlakı ilə bağlı tövsiyələri dəyişməz qaldı.
İlk dəfə 1965-ci ildə kəşf edilən aspartamın təhlükəsizliyi 1980-ci ildən bəri müzakirə mövzusudur. Beləliklə, aspartam hansı məhsullarda olur? İnsan sağlamlığına hansı təsirlər ola bilər? Aspartamla maraqlananlara Ankara Universitetinin professoru Ufuk Tansel Şirəli məlumat verib:
"Ümumdünya Səhiyyə Təşkilatının tövsiyə etdiyi gündəlik norma bədən çəkisi üçün 40 mq-dır. Ümumdünya Səhiyyə Təşkilatı, aspartamın gündəlik təhlükəsiz istehlak miqdarını əvvəlki illərdə olduğu kimi dəyişməmiş və bədən çəkisi üçün 40 milliqram olaraq təyin etmişdir.
O, qeyd edib ki, ÜST doza həddən çox aşılarsa 100 faiz xərçəngə səbəb olacağını demir. 2B qrupunda bununla bağlı araşdırmalar davam etdiyi üçün dəlillər aydın deyil. Bu məsələ ilə bağlı müzakirələr davam edir.