Marallar arasında yayılan "zombi" virusu insanlar üçün təhlükəli ola bilər
29.12.2023 10:11

ABŞ-da maral populyasiyasının daşıdığı “zombi” virusu insanlara da keçə bilər.

Aztibb.az xəbər verir ki, “Daily Mail” qəzetin yazdığına görə, xəstəliyin müalicəsi yoxdur və son dərəcə yoluxucudur.

Nəşrin məlumatına görə, dəli dana xəstəliyinin bir növü olan bu virusa yoluxmuş erkək maralın meyiti Yellowstone Milli Parkında tapılıb. Xəstəlik beynin funksiyalarını pozur, heyvan xarici stimullara cavab verməyi dayandırır, insanlardan qorxmağı dayandırır, həmçinin ölənə qədər məqsədsiz şəkildə gəzir.

Qəzetdə qeyd edilir ki, hazırda virusun yayılma mexanizmlərini öyrənən mütəxəssislər onun növlərarası maneəni keçərək digər heyvanlara, sonra isə insanlara keçə biləcəyini istisna etmirlər. Bu, etibarlı şəkildə sübuta yetirilməsə də, ovçulara yoluxmuş maralların ətini yeməmək tövsiyə olunub.

Bu günlərdə, Ümumdünya Səhiyyə Təşkilatı JN.1 koronavirusunun yeni variantının yayılması fonunda tədbirlərin gücləndirilməsini tövsiyə edib.

Nərgiz Qəhramanova
Müəllifin digər yazıları