Artıq Azərbaycana virusun genomunu öyrənən aparatlar gətirilib və araşdırmalara başlanılıb. 

Aztibb.az-ın verdiyi xəbərə görə, bunu TƏBİB-in şöbə müdiri Yaqut Qarayeva deyib. Bildirib ki, yaxın zamanda ictimaiyyətə bu haqda ətraflı məlumat veriləcək.

O, qeyd edib ki, bəzən gündəlik test saylarının azalması və çoxalması baş verir. Belə hallar həftə sonları olur: “Həmçinin, test sayları virusa yoluxmuş şəxsin ətrafı və ünsiyyətdə olduğu şəxslərin sayına görə də dəyişir".