Rusiya yeni koronavirus infeksiyasına qarşı peyvənd hazırlayıb.

Aztibb.az xəbər verir ki, bu barədə jurnalistlərə Müdafiə nazirinin müavini Ruslan Tsalikov məlumat verib.

O, bildirib ki, peyvəndin kliniki sınaqları başa çatıb. Tədqiqatlar zamanı test iştirakçılarının hamısında immun reaksiyası müşahidə edilib.

İ.M.Seçenov adına Birinci Moskva Dövlət Tibb Universitetinin Dərmanların Kliniki Tədqiqi Mərkəzinin rəhbəri Yelena Smolyarçuk isə peyvənd nəticəsində virusa qarşı əmələ gələn immunitetin hansı müddətə davam edəcəyinin hələlik məlum olmadığını vurğulayıb.